لاہور(سپورٹس ڈیسک )انگلینڈ نے جنوبی افریقہ کےخلاف سیریز کیلئے ٹی ٹونٹی اور ون ڈے سکواڈز کا اعلان کردیا۔ ٹیسٹ کپتان بین سٹوکس کو ٹی ٹونٹی میں آرام دیا گیا ہے،انگلینڈ ان دنوں بھارت کےساتھ ون ڈے سیریز کھیلنے میں مصروف ہے جس کا آخری میچ آخری کھیلا جائے گا۔ انگلینڈ ٹیم جنوبی افریقہ کےخلاف 19 جولائی سے تین ایک روزہ میچز کی سیریز میں مد مقابل ہوگی۔دوسرا میچ 22 جولائی اور تیسرا میچ 24 جولائی کو کھیلا جائے گا۔27 جولائی سے تین ٹی ٹونٹی میچز کی سیریز کھیلی جائےگی جس کا دوسرا میچ 28 جولائی اور تیسرا میچ31 جولائی کو کھیلا جائے گا۔ون ڈے سکواڈ میں جوز بٹلر(کپتان)، معین علی، جونی بیئر سٹو، برائیڈن کارس، سیم کرن، لیام لیونگ سٹون، کریگ اوورٹن، میتھیو پوٹس، عادل رشید، جو روٹ، جیسن روئے، فل سالٹ، بین سٹوکس،ریس ٹوپلی اور ڈیوڈ ویلی شامل ہیں جبکہ ٹی ٹونٹی سکواڈ میں جوز بٹلر(کپتان)،معین علی،جونی بیئرسٹو،ہیری بروک، سیم کرن، رچرڈ گلیسن، کرس جورڈن،لیام لیونگ سٹون،ڈیوڈ ملان، عادل رشید،جیسن روئے، فل سالٹ،ریس ٹوپلی اور ڈیوڈ ویلی شامل ہیں۔