تیز رفتار کار بے قابو، پل سے ٹکرانے پرکارسوار شخص جاں بحق،خاتون زخمی

لاہور(نامہ نگار) رنگ روڈ پر تیز رفتار کار بے قابو ہو کر محمود بوٹی ٹول پلازہ پر واقع پیڈسٹیرین پل کے ستون سے ٹکرا گئی۔جس سے کار سوار سے 70 سالہ ریاست ابراہیم موقع پر ہلاک جبکہ ایک 26 سالہ ثمینہ لیاقت شدید زخمی ہو گئی ہے۔ اطلاع ملنے پر پولیس اور امدادی ٹیمیں موقع پر پہنچ گئیں۔ امدادی ٹیموں نے زخمی خاتون کو طبی امداد کیلئے ہسپتال منتقل کر دیا ہے۔ جبکہ پولیس نے متوفی ریاست کی نعش قبضے میں لے کر پوسٹ مارٹم کیلئے مردہ خانے منتقل کر کے قانونی کارروائی شروع کردی ہے۔