شیخوپورہ (نمائندہ خصوصی) شیخوپورہ میں مختلف واقعات میں ایک عورت سمیت 3افراد جان کی بازی ہار گئے موضع گھنگ کے ڈیرہ روہی والہ میں کھیتوں سے ایک شخص محمد آصف کی نعش برآمد ہوئی ہے اطلاع ملنے پر ریسکیو1122نے نعش کو قبضہ میں لے کر پولیس کے حوالے کر دیا ہے تاہم موت کی وجہ ابھی تک معلوم نہیں ہو سکی دوسرا واقعہ جنڈیالہ شیر خان میں ہوا جہاں کرنٹ لگنے سے 40سالہ نوجوان شکیل جاں بحق ہو گیا متوفی پیڈسٹل فین کو چلا رہا تھا کہ کرنٹ لگ گیا جو مو قع پر ہی جاں بحق ہو گیا تیسرا واقعہ فاروق آباد نہر نزد موٹروے کے قریب 30سالہ نامعلوم عورت کی نعش برآمد ہوئی ہے ریسکیو1122نے نعش نہر سے نکال کر پولیس کے حوالے کر دی ہے مزید پتہ چلا ہے کہ خاتون کو تشدد کے بعد نہر میں پھینک کر ہلاک کیا گیا ہے ۔