حافظ آباد: کنگفو اکیڈمی کے  زیر اہتمام سمروو شو 

حافظ آباد(نمائندہ نوائے وقت) محکمہ سپورٹس حافظ آباد اور شہزادوو شو اینڈ کنگفو اکیڈمی کے زیر اہتمام سمروو شو مقابلوں کا انعقاد کیا گیا ،پاکستان کے مایہ ناز انٹرنیشنل گولڈ میڈلسٹ کھلاڑی و کوچ شہزاد حسین بھٹی کی زیر نگرانی مختلف کیٹگری کے مقابلے ہوئے جس میں7 سال سے 20 سال تک کے کھلاڑیوں نے حصہ لیا۔ مختلف کیٹگری کے مقابلہ جات جیتنے والے کھلاڑیوں محمد حارث، حسن رضا و دیگر میں انعامات بھی تقسیم کئے گئے۔انٹر نیشنل گولڈ میڈلسٹ شہزاد حسین بھٹی نے کہا کہ وو شو اینڈ کنگفو ٹریننگ بچو ں میںذہنی و جسمانی صلاحیتیں بڑھانے کے ساتھ ساتھ ان میں سیلف ڈیفنس کا حوصلہ پیدا کر تی ہے ۔