نواز شریف جلد وطن واپس آکر ناقدین کے منہ بند کر دیں گے:شازیہ فرید

گوجرانوالہ(نمائندہ خصوصی)مسلم لیگ (ن) کی سابق وفاقی پارلیمانی سیکرٹری شازیہ فرید نے کہا ہے کہ میاں نواز شریف جلد وطن واپس آکر ناقدین کے منہ بند کر دیں گے ، اللہ کے فضل اور عوام کی طاقت سے وہ چوتھی مرتبہ بھی وزیر اعظم منتخب ہو ںگے، ان خیالات کا اظہار انہوں نے مسلم لیگ ن پنجاب کے صدر اور وفاقی وزیر داخلہ رانا ثناءاللہ سے ملاقات کے بعد پارٹی کارکنوں سے گفتگو کرتے ہوئے کیا ، انہوںنے کہا کہ وطن واپسی پر قائد مسلم لیگ ن میاں نواز شریف کا وہ فقیدالمثال اور تاریخی استقبال ہو گا کہ نام نہاد مقبول لیڈروں کی آنکھیں چندھیا جائیں گی ۔،انہوںنے مزید کہاکہ میاں نواز شریف کو ایٹمی دھماکوں اور ملکی کی روشنیاں بحال کرنے جیسے کارناموں کی سزا جلا وطنی اور قید وبند کی صعوبتوں کی شکل میں دی گئی، ان کا کہنا تھا کہ میاںنواز شریف کی واپسی سے ملک ایک بار پھر ترقی اور خوشحالی کی راستے پر گامزن ہو جائے گا اور عوام کی زندگی میں آسانیاں پیدا ہوں گی ۔