سویڈن میں توہین قرآن مسلمانوں کیلئے چیلنج ہے:عطاءالرحمان

گوجرانوالہ(نمائندہ خصوصی)پاکستان سنی تحریک کے زیر اہتمام وفا ئے قرآن ریلی نکالی گئی شرکاءریلی سے خطاب کرتے ہوئے سٹی صدر پاکستان سنی تحریک گوجرانوالہ عطا ءالرحمان خان صافی نے کہا کہ سویڈن میں ہونے والی توہین قرآن پوری دنیا کے مسلمانوں کے لیے ایک بڑا چیلنج بن چکا ہے۔دو ارب کے قریب مسلمان دنیا میں رسوائی کا شکار ہو رہے ہیں، مسلمانوں کی آپس میں اتفاق اور اتحاد یکجہتی نہ ہونے کے باعث مسلمان معاشی سیاسی مذہبی طور پر منتشر ہو رہے ہیں، اوآئی سی اقوام متحدہ یورپی یونین اور پوری دنیا کو چاہیے کہ معاشی سیاسی مذہبی امن و امان کی فضا کو ہموار کرنے میں ایک دوسرے کی سیاسی اخلاقی معاشی اور معاشرتی مدد کریں،اسلام دنیا میں امن بھائی چارے کادرس دیتا ہے۔