اسلام آباد(اپنے سٹاف رپورٹر سے)شہریوں کوڈکیتی ،چوری کی وارداتوں میں نقدی، زیورات، کاروں،موٹرسائیکلوں سمیت قیمتی سامان سے محروم کر دیا گیا،تھانہ آبپارہ کو الف جان آفریدی نے بتایا کہ نامعلوم چوروں نے گھر سے موبائل فون استری سلے ہوئے کپڑے چوری کرلئے،تھانہ کراچی کمپنی کو عامر ایوب نے بتایا کہ مدثر حمدی وغیرہ نے گھر سے سی پی یو پرنٹر اور ضروری کاغذات چوری کرلئے، تھا نہ شالیمار کو ببلی فہیم نے بتایا کہ شاکر نے گھر سے طلائی زیورات چوری کرلئے،تھانہ سنگ جانی کو فیاض نے بتایا کہ جا وید وغیرہ نے فگر سے طلائی زیورات سمیت2لاکھ روپے مالیت کا سامان چوری کرلیا، تھانہ کرپا کو شفیق الرحمان نے بتایا کہ نامعلوم چوروں نے یوپی ایس اور ٹوٹیاں چوری کرلیں، تھانہ لوہی بھیر کو مہران حسین نے بتایا کہ نامعلوم افراد نے 8لاکھ 50000روپے چھین لئے، تھانہ بہارہ کہو کو عامر محمود نے بتایا کہ نامعلوم موٹرسائیکل سواروں نے موبائل فون اور 90ہزار روپے چھین لئے، تھانہ بہارہ کہو کو احتشام طارق نے بتایا کہ ملپور میں نامعلوم چوروں نے گھر سے 1لاکھ روپے، طلائی زیورات اور قیمتی سامان چوری کرلیا۔