حمزہ شہباز شریف کی اولمپئن خواجہ جنید ، جنید چھٹہ سے ملاقات ،قومی کھیل کی بحالی کا عزم

لاہور(سپورٹس رپورٹر)سابق وزیر اعلیٰ پنجاب حمزہ شہباز شریف کی اولمپئن خواجہ جنید اور جنید چھٹہ سے ملاقات میںقومی کھیل کے فروغ اور بحالی کے لیے مشاورت ہوئی۔ حمزہ شہباز کی قومی کھیل کے لیے گراس روٹ سطح پر ٹھوس اقدامات کی یقین دہانی کرائی گئی۔محکمہ جاتی ٹیموں کی بحالی کے لیے بھی لائحہ عمل تیار کرنے کا اعادہ کیا اورعزم کیا گیا کہ قومی کھیل کی بحالی کے لیے کام کریں گے۔ حمزہ شہبازنے کہا کہ نئے ٹیلنٹ کو سامنے لاکر ہی فتوحات ملیں گی۔خواجہ جنیدنے کہاکہ حمزہ شہباز قومی کھیل کی بحالی چاہتے ہیں۔انہوں نے ہاکی کی ترقی کے لیے تجاویز دی ہیں۔قومی کھیل کے لیے ہر ممکن تعاون کے لیے حاضر ہیں۔