کراچی کے عوام‘ سیاحوں کوبکنگ کا آسان تجربہ فراہم کرینگے‘جی ایم آپریشنز وائٹ کارفرحان کسبتی
لاہور (کامرس رپورٹر) پاکستان میں رائیڈ ہیلنگ سروسز میں سرخیل کی حیثیت رکھنے والی کمپنی کریم نے کراچی میں کار سروس فراہم کرنے والی معروف مقامی کمپنی ’’وائٹ کار‘‘ کیساتھ اشتراک کا اعلان کیا ہے۔ یہ اسٹریٹجک پارٹنرشپ کراچی کے صارفین کو کریم ایپ کے ذریعے جناح انٹرنیشنل ایئرپورٹ جانے اور آنے کیلئے براہ راست وائٹ کار کی پر ی بکنگ کی سہولت فراہم کرتی ہے۔شاندار پرآسائش کاروں اور تربیت یافتہ ڈرائیوروں کی ٹیم سے آراستہ کریم اور وائٹ کار 100فیصدو اطمینان کی ضمانت دیتی ہیں اور یہ یقینی بناتی ہیں کہ صارفین اپنی سواری کی 24 گھنٹے دستیابی پر انحصار کر سکیں۔  کریم کے جنرل منیجر رائیڈ ہیلنگ عمران سلیم نے کہا ہم صارفین کو ہوائی اڈے تک نقل و حمل کیلئے 'وائٹ کار' کے ساتھ اشتراک پر بہت پرجوش ہیں۔وائٹ کار کے جی ایم آپریشنز فرحان کسبتی نے کہا کریم کیساتھ اشتراک اور کراچی کے عوام اور سیاحوں کو کریم ایپ میں وائٹ کار کے انضمام کے بعد اب ہم بکنگ کا آسان تجربہ فراہم کر سکتے ہیں۔شہری مزید معلومات کیلئے Careem.com وزٹ کریں۔