اوکاڑہ +دیپالپور (نامہ نگار+نمائندہ نوائے وقت) اوکاڑہ ‘دیپالپور ادثات میں ایک فیملی کے 3افراد اور میاں بیوی جاں بحق ہو گئے ۔ دلاور کو ٹ کے قریب مرنے والوں میں ایک 2 سالہ بچہ بھی شامل ہے۔   موضع املی موتی کا رہائشی 35 سالہ محمد صفدر اپنی 31 سالہ بیوی رابعہ صفدر اور 2 سالہ بیٹے حماد صفدر کے ہمراہ موٹر سائیکل پر دیپالپور پاکپتن روڈ پر جا رہے تھے کہ پیچھے سے آنے والا 12 ویلر ٹرالر مخالف سمت سے آنے والی مسافر بس سے بچتے ھوئے بے قابو ہو کر موٹر سائیکل  پر چڑھ گیا جس کے نتیجے میں موٹر سائیکل پر سوار محمد صفدر اس کی بیوی رابعہ صفدر اور ان کا 2 سالہ بیٹا حماد صفدر جاں بحق ہو گئے۔ دلاور کوٹ پاکپتن روڈ پر محمد افضل اسکی بیوی ممتاز بی بی موٹر سائیکل پر جارہے تھے کہ تیز رفتاری کے باعث بے قابو ہوکر ٹریکٹر ٹرالی نے موثر سائیکل کو ٹکر ماردی جسکے نتیجہ میں موٹر سائیکل سوار میاں بیوی موقع پر ہی دم توڑ گئے  جبکہ ٹریکٹر ڈرائیور فرار ہو گیا۔ راولپنڈی میں سواں پل پر کچہری سے روات کی طرف جانے والے تیز رفتار ڈمپر نے 4 کاروں اور ایک پک اپ کو روند ڈالا۔ 4 افراد جاں بحق جبکہ متعدد زخمی ہوگئے۔ ریسکیو ذرائع کا کہنا ہے حادثہ ڈمپر کے بریک فیل ہونے کے باعث پیش آیا، ڈمپر سیمنٹ کی بوریوں سے لدا ہوا تھا۔