ٹوائے لائیٹ اکلپس کا مرکزی کردارادا کرنے والے ٹیلرلاٹنراور اداکارہ کرسٹین سٹوورٹ  جب  رومن ایونٹس ہال پہنچے تو ان کے چاہنے والوں کی خوشی دیدنی تھی ۔ فلم کے نوجوان اداکاروں نے اپنا زیادہ وقت مداحوں کے بیچ گزارا۔ اس موقع پر وہ شائقین کے ساتھ تصویریں بنوانے کے علاوہ انہیں آٹو گراف بھی دیتے رہے ۔ ٹوائے لائیٹ اکلپس کی پروموشن کے سلسلے میں کرسٹین سٹوورٹ اور ٹیلرلاٹنران دنوں عالمی دورے پر ہیں ۔ دونوں اداکار اٹلی کے علاوہ آسٹریلیا، جنوبی کوریا، امریکہ، سویڈن اور سپین بھی جائیں گے ۔ یہ فلم تیس جون کو سنیما گھروں میں نمائش کیلئے پیش کی جائے گی۔