دمبولا انٹرنیشنل سٹیڈیم میں کھیلے جانے والے میچ میں میزبان سری لنکا کو فیورٹ قرار دیا جا رہا ہے۔ سری لنکن ٹیم انتظامیہ نے پاکستان کے خلاف کامیابی حاصل کرنے والا سکواڈ برقرار رکھنے کا فیصلہ کیا ہے جبکہ بنگلہ دیش نے بھی بھارت کے خلاف ناقص کارکردگی کا مظاہرہ کرنے والی ٹیم میں کسی قسم کی تبدیلی نہ کرنے کا فیصلہ کیا ہے۔ اس سے قبل ٹورنامنٹ کے افتتاحی میچ میں سری لنکا نے پاکستان کو سولہ رنز سے شکست دی تھی جبکہ بنگلہ دیشی ٹیم کو ایونٹ کے پہلے میچ میں بھارت کے ہاتھوں چھ وکٹوں کی شکست کا سامنا کرنا پڑا تھا۔