سویڈن، ڈنمارک، فن لینڈ، آئس لینڈ میں روزہ 21 سے 24 گھنٹے، ارجنٹائن آسٹریلیا میں 9 گھنٹے کا ہوگا

اسلام آباد (صباح نیوز) رمضان المبارک میں سحرو افطار کے اوقات دنیا بھر میں مختلف ہوتے ہیں کہیں روزے کا دورانیہ طویل اورکہیں کم ہوتا ہے، فن لینڈ اور سوئیڈن کے مسلمان دنیا کے طویل ترین دورانیے کے روزے رکھیں گے۔ پاکستان سمیت دنیا کے اکثر ممالک میں روزے کا دورانیہ 15 سے 16 گھنٹے کے قریب ہوگا۔ سعودی عرب اور خلیجی ممالک میں دوزہ دار 50 ڈگری سینٹی گریڈ کی گرمی میں روزے پورے کرتے ہیں۔ ماہرین موسمیات کا کہنا ہے کہ اس سال سویڈن، ڈنمارک، فن لینڈ اور آئس لینڈ میں روزے کا دورانیہ 21 گھنٹے کا جبکہ ان ممالک کے شمالی حصوں میں دورانیہ 24 گھنٹے تک محیط ہوگا۔ ارجنٹائن اور آسٹریلیا میں روزے9 اور 10 گھنٹے کے ہونگے۔