لاہور (سپورٹس رپورٹر+ نمائندہ سپورٹس) پروفیشنل سنوکر ورلڈ کپ میں پاکستان نے آسٹریلیا کو 3-2 سے مات دی۔ ٹورنامنٹ کے ابتدائی رائونڈ سنگلز، ریورس سنگلز اور ڈبلز کے 5 فریم پر مشتمل ہے، پہلے اور دوسرے فریم میں سنگلز مقابلے ہوتے ہیں۔ بعدازاں تیسرا فریم ڈبلز پر مشتمل ہے، بعدازاں2 ریورس سنگلز کھیلے جاتے ہیں۔ایونٹ میں پاکستان کی نمائندگی محمد سجاد اور حمزہ اکبر کررہے ہیں، کھیلے گئے میچ کے پہلے فریم میں پاکستان کو 23-66 سے شکست ہوئی، دوسرے میں 70-52 سے فتح ملی، تیسرے میں آسٹریلیا نے ایک بار پھر 68-21 سے کامیابی کے ساتھ 2-1 کی برتری حاصل کرلی۔ ڈبلز میں پاکستانی حمزہ اکبر اور محمد سجاد یکطرفہ طور پر 85-1 سے سرخرو رہے۔ آخری فریم میں ایک بار پھر پاکستان 80-46 سے کامیاب رہا اور کامیابی حاصل کرلی۔ابتدائی میچ میں پاکستان کو ویلز کے ہاتھوں 5-0 سے ناکامی کا سامنا کرنا پڑا تھا۔