قومی ٹیم چیمپئن بن کر وطن واپس آئے گی : فنکار برادری

لاہور(کلچرل رپورٹر) شوبزسٹارز پر امید ہیں کہ اس بار تاریخ بدلے گی اور پاکستانی ٹیم آئی سی سی چیمپیئنزٹرافی کے فائنل میں بھارت کو شکست دے کر وطن لوٹے گی۔کرکٹ اور گلیمرکا چولی دامن کا ساتھ رہا ہے۔یہی وجہ ہے کہ کرکٹ کے ایکشن سے بھرپور مقابلے ہوں تو مختلف طبقہ فکر کی طرح شوبز سٹارز بھی ان میں گہری دلچسپی رکھتی ہے۔ فلمسٹار زری شریف نے کہا کہ شوبز سٹارزآئی سی سی چیمپئنز کے فائنل میں قومی ٹیم کی رسائی پر خوش ہیں۔ بس اب ایک فتح کی ضرورت ہے وہ بھی روایتی حریف بھارت سے ہو تو مزہ دوبالا ہوجائے۔ گلوکارہ و اداکرہ شاہدہ منی نے کہا کہ امید ہے کہ اب تاریخ بدلے گی اور پاکستان ٹیم میگا ایونٹ میں بھارت کو ہرائے گی۔کھلاڑی چیمپینز ٹرافی کے آخری معرکے میں بھی سرخرو ہونگے ۔