جوڑ میلہ میں آئے سکھ رہنماؤں کا گوردوارہ کرتارپور اور بابے دی بیری سیالکوٹ کا دورہ

لاہور (خصوصی نامہ نگار) گورو ارجن دیو جی کے شہیدی دن جوڑ میلہ میں شرکت کیلئے بھارت سے واہگہ بارڈر کے راستے پیدل پاکستان آئے بھارتی سکھ رہنمائوں اور راگی جتھہ نے گورو دوارہ کرتار پور نارووال اوربابے دی بیری سیالکوٹ کا دورہ کیا۔ بھارتی جتھہ کے رہنمائوں جسویر سنگھ اور ہر بھجن سنگھ کا میڈیا سے گفتگو کرتے ہوئے کہنا تھا کہ پاکستان میں ملنے والی پیار و محبت اور مہمان نوازی امن کا درس ہے۔ ہم وزیراعظم عمران خان اور چیئرمین متروکہ وقف املاک بورڈ ڈاکٹر عامر احمد کے بے حد شکر گزار ہیں جنہوںنے ہمیں تمام ترسہولیات مہیاکیں۔