لاڑکانہ(بیورو رپورٹ) تحصیل رتودیرو کے گاؤں سعدو دیرو میں رشتہ داری کے تنازعہ پر مسلح افراد نے ہوٹل پر بیٹھے بات بیٹے پر فائرنگ کرکے مشتاق گوپانگ اور ان کے بیٹے سرور علی گوپانگ کو شدید زخمی کردیا جسے ورثہ نے زخمی حالت میں چانڈکا اسپتال کے شعبہ حادثات منتقل کیا جہاں انہیں طبی امدادی دی گئی، اس موقع پر زخمی مشتاق گوپانگ نے بتایا کہ سات سال قبل بیٹے سجاد گوپانگ نے مگنیجو برادری سے تعلق رکھنے والی لڑکی سے پسند کی شادی کی تھی جس معاملے پر مگنیجو برادری کے بااثر مسلح افراد نے ہم پر فائرنگ کرکے ہمیں زخمی کیا ہے، انہوں نے مطالبہ کیا کہ حملے میں ملوث ملزمان کو گرفتار کرکے تحفظ فراہم کیا جائے۔