لاہور پولیس سب سے زیادہ کرونا سے متاثرہورہی ہے:ذوالفقارحمید

لاہور( نامہ نگار)سی سی پی او لاہور ذوالفقار حمید نے کہا ہے کہ کرونا وباء میں تمام محکموں میں سب سے زیادہ لاہور پولیس متاثر ہو رہی ہے،لاہور پولیس کورونا وائرس میں فرنٹ لائن سولجر کا کردار ادا رہی ہے۔پولیس کے جوان قرنطینہ مراکز، ہسپتالوں،ناکوں، سمارٹ لاک ڈاؤن ایریز میں بلا خوف و خطر فرائض سرانجام دے رہے ہیں۔لاہور پولیس کے 327 اہلکاروں و افسران کورونا سے ہوئے۔کورونا وائرس سے 124 اہلکاروں و افسران نے صحتیاب ہوکر دوبارہ ڈیوٹیاں سنبھال لیں جبکہ 198 افسران و اہلکار قرنطینہ ہیں۔لاہور پولیس میں کورونا وباء سے شہداء کی تعداد پانچ ہے۔کورونا وباء سے متاثر اہلکاروں کی فلاح وبہبود پر خصوصی توجہ دی جا رہی ہے۔ کورونا وائرس کو شکست دے کر واپس آنے والے اہلکاروں کو فی کس 25،25 ہزار مالیت کے امدادی چیکس بھی دئیے گئے۔