شیخوپورہ +قصور(نمائندہ خصوصی+نمائندہ نوائے وقت) قصوراور شیخوپورہ میں 2بچوں کے ساتھ زیادتی جبکہ نفیس کالونی قصور میں زیادتی کے بعد قتل کا ملزم گرفتارکرلیا گیا۔تفصیلات کے مطابق قصور کے نواح میں موضع تیرتھ میں اوباش نوجوان کی 13 سالہ بچے سے زیادتی مقامی پولیس نے نامزد ملزموں کے خلاف مقدمہ درج کرلیا ۔علاوہ ازیں نفیس کالونی قصور کے رہائشی محنت کش کا 8سالہ بیٹے کا قاتل ہمسائیہ نکلا پولیس نے ملزم وسیم کو گرفتار کرلیا۔ادھرتھانہ بھکھی پولیس نے9سالہ بچے(ع)کے ساتھ زیادتی کرنے والے ملزم کو ایک گھنٹے کے اندر اندر گرفتار کرلیاگیا۔ پولیس ترجمان کے مطابق موضع گھنگ میں محنت کش کے 9سالہ بیٹے کو ملزم جبران نے ورغلا کر ویران مکان میں لے گیا جہاں اس کے ساتھ زیادتی کی تھانہ بھکھی پولیس نے فوری طور پر مقدمہ درج کرکے ملزم کو گرفتار کر لیا ہے۔