حکومت فائزر ویکسین کی 1 لاکھ خوراکیں کہاں چھپا رہی ہے؟

اسلام آباد (نمائندہ خصوصی)نائب صدر پیپلز پارٹی سینیٹر شیری رحمان نے ٹوئیٹ  میںکہا کہ چونکا دینے والی بات یہ ہے کہ ملک میں کورونا وائرس ویکسین کی کمی ہو گئی ہے، پنجاب، خاص طور پر لاہور میں، ویکسینیشن کے بہت سے مراکز میں ویکسین کی فراہمی بند ہوچکی ہے ،پنجاب میں کئی جگہ پے ویکسینیشن ڈرائیو روک دی گئی ہے، حالیہ دنوں میں سندھ کی ویکسین سپلائی میں بھی کمی آئی ہے، این ڈی ایم اے اور قومی صحت کی وزارت کے مابین ہم آہنگی کا فقدان ویکسین کی قلت کا سبب بنا ہے ،کیا وفاقی حکومت عطیہ کی گئی ویکسین پر زندہ رہنے کا منصوبہ بنا رہی ہے؟ یا حکومت پھر سے ویکسین منگوانا بھول گئی ہے؟ حکومت فائزر ویکسین کی 1 لاکھ خوراکیں کہاں چھپا رہی ہے؟