لاہور (خصوصی نامہ نگار) واسا میں یونینز کا ریفرنڈم آج ہوگا ، تین یونینز مشعل، مینار اور گینتی کے نشان پر واسا ملازمین کی نمائندگی کے حصول کے میدان میں موجود ہیں۔ ریفرنڈم میں واسا کے 6 ہزار 250 ملازمین اپنا حق رائے دہی استعمال کریں گے۔ واسا ریفرنڈم گلشن اقبال پارک میں منعقد ہوگا۔ گلشن اقبال پارک میں ایک پولنگ سٹیشن بنایا گیا ہے جبکہ 30 سے زائد  پولنگ بوتھ بنائے گئے ہیں۔ گلشن اقبال پارک میں  پولنگ کا عمل صبح نوبجے سے شروع ہوکر شام چار بجے تک جاری رہے گا۔ریفرنڈم میں کامیابی حاصل کرنے والی یونین کو دو سال کیلئے سی بی اے قرار دیا جائے گا،محکمہ لیبر کی جانب سے ریفرنڈم کے تمام عمل کی نگرانی اور دیگر انتظامات کئے گئے۔