پی ایس ایل 6: لاہور قلندرز کا ملتان سلطانز کیخلاف ٹاس جیت کر فیلڈنگ کا فیصلہ

بوظہبی: پی ایس ایل 6 کے میچ میں لاہور قلندرز نے ملتان سلطانز کیخلاف ٹاس جیت کر فیلڈنگ کا فیصلہ کیا ہے۔ ابوظہبی میں جاری پاکستان سپر لیگ کے چھٹے ایڈیشن کے اہم ترین میچ میں لاہور قلندرز کے کپتان سہیل اختر نے ٹاس جیت کر ملتان سلطانز کو بیٹنگ کی دعوت دی ہے۔واضح رہے کراچی کنگز نے گزشتہ روز لاہور قلندرز کو دلچسپ مقابلے کے بعد شکست دی تھی تاہم آج کا میچ لاہور کے لیے بہت اہم ہے کیوں کہ یہ میچ جیتنے والی ٹیم اگلے مرحلے میں پہنچ جائے گی جب کہ لاہور قلندرز کی شکست کی صورت میں کراچی کنگز اور کوئٹہ گلیڈی ایٹرز کے درمیان کل ہونے والے میچ کی اہمیت مزید بڑھ جائے گی۔