لاہور(سپورٹس رپورٹر)ملتان ڈویژن نے سدرن پنجاب ڈویژنل انڈر 19 کرکٹ ٹورنامنٹ جیت لیا۔ ملتان میں کھیلے گئے ٹورنامنٹ کے فائنل میں ڈیرہ غازی خان ڈویژن کو 7 وکٹوں سے شکست دے دی۔ فاتح ٹیم نے 106 رنز کا ہدف 25.1 اوورز میں محض 3 وکٹوں پر حاصل کرلیا۔ اوپنر عزیر ممتاز نے 29 رنز بنائے۔ حذیقہ ایوب اور علی ارشد کی تین تین وکٹوں کی بدولت ڈیرہ غازی خان ڈویژن کی پوری ٹیم 105 رنز پر ڈھیر ہوگئی تھی۔ اوپنر حمزہ نواز 36 رنز بناکر ٹاپ سکورر رہے۔