لاہور(سپورٹس رپورٹر)پانچ ملکی انٹرنیشنل باسکٹ بال چیمپئن شپ میں پاکستان نے مالدیپ کے بعد بھوٹان کو بھی شکست دیدی۔ مالدیپ کے شہر مالے میں جاری پانچ ملکی ٹورنامنٹ کے لیگ راونڈ کے تیسرے میچ میں گرین شرٹس نے بھوٹان کیخلاف 53-76پوائٹس سے کامیابی حاصل کی۔  زین الحسن خان نے21،کپتان شہباز علی 15، عمیر جان  نے 12 پوائنٹس سکور کئے۔ دوسرے میچ میں پاکستان نے میزبان مالدیپ کو بعد 63-65پوائنٹس سے شکست دیکر اپ سیٹ کیا۔ زین الحسن خان نے 22، ضیا الرحمن 15، عماد احمد نے13 پوائنٹس سکور کئے۔قومی باسکٹ بال ٹیم سات سال کے بعد کسی انٹرنیشنل ایونٹ میں شرکت کر رہی ہے۔