لاہور (نامہ نگار) پیپلز پارٹی نے 20جون کے جشن بینظیر کے سلسلے میں لبرٹی چوک میں ڈیرے ڈال لئے اور گزشتہ شب لبرٹی چوک میں پیپلز پارٹی لاہور تنظیم نے استقبالیہ کیمپ بھی قائم کر دیا ہے۔ جس افتتاح پیپلز پارٹی لاہور کے صدر چودھری اسلم گل نے کیا۔ اس موقع پر پارٹی رہنما عمر شریف بخاری، اشرف خان، حافظ غلام محی الدین، عامر نصیر بٹ، پروین شیخ خدیجہ حسن، فہیم ٹھاکر، عمر ایاز، صداقت شیروانی، ریاض جٹ، نادیہ شاہ اور دیگر بھی موجود تھے۔ علاوہ ازیں پیپلز پارٹی لاہور ڈویژن کے صدر چودھری اسلم گل نے کہا ہے کہ آنے والا وقت پیپلز پارٹی کا ہے، ڈٹ کے مرکز اور پنجاب میں حکومت سازی کرینگے۔ وہ پی پی 146 یونین کونسل کے عہدیداروں کو نوٹیفکشن دینے کی تقریب سے خطاب کر رہے تھے۔ اس موقع پر ڈسٹرکٹ ون کے صدر زاہد ذوالفقار نے نومنتخب صدر یو سی نمبر 37 محمد افتخار پاپا، سینئر نائب صدر یو سی نمبر 38، فیروز سلیم بٹ، صدر یو سی نمبر 34، شبیر حسین بٹ کو انکے عہدوں کے نوٹیفکیشن دیئے۔
اسلم گل