حافظ آباد(نمائندہ نوائے وقت+نمائندہ خصوصی) نعت گو شاعر ، ادیب ،نقاد اور ماہر تعلیم عبدالغنی تائب کا نعتیہ مجموعہ خیرات خلد کے نام سے شائع ہوگیا۔ جسے انکے بیٹے اورجی سی یونیورسٹی گجرات کے پروفیسر ڈاکٹر محمد وسیم ممتاز نے ترتیب دیا ہے۔اس مجموعہ میں عبدالغنی تائب کی تحریر کردہ نعوت ومناقب کو شامل کیا گیا ہے۔قبل ازیں بھی عبدالغنی تائب کے مجموعہ ہائے نعت ارمغان نیاز، جان رحمت، ارمغان قلم، جان سخن اور مدنی من ٹھار کے ناموں سے شائع ہوکر مقبولیت عام وخاص پاچکے ہیں۔