ایل ڈبلیو ایم سی کے لاہور کی صفائی کو مثالی بنانے کیلئے اقدامات جاری

لاہور(خبرنگار) لاہور ویسٹ مینجمنٹ کمپنی کی جانب سے شہرِ لاہور کی صفائی کو مثالی بنانے کیلئے احسن اقدامات کا سلسلہ جاری ہے۔عید الالضحیٰ پر تعفن سے پاک لاہور کے حصول کیلئے سی ای او ایل ڈبلیو ایم سی بابر صاحب دین فیلڈ میں متحرک ہیں۔سی ای او ایل ڈبلیو ایم سی بابر صاحب دین نے صفائی مشینری کی ورکنگ کاجائزہ لینے کیلئے ایل ڈبلیو ایم سی کی آو¿ٹ فال ورکشاپ کا دورہ کیا۔ آو¿ٹ فال نارتھ ورکشاپ میں نئے تیار ہونے والے ویسٹ کنٹینرز اور ریپئرنگ ورک کا جائزہ لیا۔ورکشاپ انچارج سے گاڑیوں کی ریپئرنگ اور دیگر ورکنگ پر بریفنگ لی۔سی ای او ایل ڈبلیو ایم سی بابر صاحب دین کا کہنا ہے کہ عیدالاضحیٰ سے قبل تقریباً ایک ہزار نئے کنٹینرز فیلڈ میں رکھے جا رہے ہیں۔ٹرک آرٹ سے مزین مزید 200 ویسٹ بنز بھی شہر بھر میں انسٹال کی جا رہی ہیں۔