وہا ڑی، پولیس نے 12سالہ لڑکی کی 23 سالہ لڑکے سے شادی رکوادی لڑکی کی والدہ اور دلہا گرفتار

وہا ڑی (نامہ نگار)پولیس نے وہاڑی کے نواحی  علاقے  چک نمبر 9/11-WBمیں 12سالہ لڑکی کی 23سالہ لڑکے سے شادی رکوا کر لڑکی کی والدہ اور دلہا کو گرفتار کر لیا جبکہ نکاح خواں فرار ہو گیا ۔ پیر کو ڈی پی او وہاڑی  صادق علی ڈوگر کے مطابق نواحی چک نمبر9/11-WBمیں بارہ  سالہ لڑکی کی تئیس سالہ لڑکے کے ساتھ شادی کی جا رہی تھی کہ اطلاع ملنے پر پولیس نے موقع پر پہنچ کر شادی رکوا دی ۔ پولیس نے لڑکی کی والدہ اور دلہا کو گرفتار کر لیا جبکہ نکاح خواں فرار ہو گیا۔پولیس نے  تھانہ سٹی میں مقدمہ درج کے تفتیش شروع کر دی۔