کراچی + ملتان (نوائے وقت رپورٹ) کراچی کے علاقے ماڈل کالونی میں  نوجوان صابر مسیح  نے دشمنی کی بنا پر ہولی کی تقریب کے دوران  بوتل میں رنگ کی بجائے تیزاب بھر کر پھینک  دیا، جس کے گرنے سے ایک لڑکی سمیت 3 ہندو جھلس گئے، تینوں کو مقامی ہسپتال پہنچایا گیا جہاں ان کی حالت خطرے سے باہر بتائی جاتی ہے۔ پولیس کے مطابق ملزم صابر مسیح کو گرفتار کر لیا گیا۔ دریں اثناء ملتان میں ہولی مناتے ہوئے رنگ پھینکے کے دوران لڑکوں میں جھگڑا ہو گیا انہوں نے ایک دوسرے پر مکوں اور تھپڑوں کی بارش کر دی۔ لڑائی میں چند لڑکے زخمی ہو گئے۔