جماعةالدعوة کا یوم پاکستان پر کانفرنسوں‘جلسوں کا اعلان

لاہور (خصوصی نامہ نگار)جماعةالدعوة 23مارچ کو پانچوں صوبوں و آزاد کشمیر میں نظریہ پاکستان مارچ، جلسوں، ریلیوں اور کانفرنسوں کا انعقاد کرے گی۔ لاہور میں 22مارچ کو یونیورسٹی گراﺅنڈچوبرجی میں نظریہ پاکستان کانفرنس ہوگی۔ اس سلسلہ میں بھرپور تیاریاں و انتظامات کئے جارہے ہیں۔یوم پاکستان کے حوالہ سے ملک گیر سطح پر ہونے والے ان پروگراموں میں طلبہ، وکلاء، تاجروں، کسانوں اور دیگر شعبہ ہائے زندگی سے تعلق رکھنے والے لاکھوں افراد شریک ہوں گے۔ جماعةالدعوةکے مرکزی رہنمامولانا امیر حمزہ نے کہا ہے کہ نوجوان نسل کے ذہنوں سے پاکستان کا مطلب کیا‘ لاالہ الااللہ کا نعرہ نکالنے کی سازشیں کی جارہی ہیں۔ حافظ محمد سعید نے کہاکہ احیائے نظریہ پاکستان مہم پانچوں صوبوں و آزاد کشمیر میں بھرپور انداز میں جاری ہے ۔
یوم پاکستان کے موقع پر پورے ملک میں تاریخی نظریہ پاکستان مارچ ہوں گے جن میں پاکستان بھر کی تمام سیاسی، مذہبی و کشمیری جماعتوں کے قائدین شریک ہوں گے ۔