لاہور(خصوصی رپورٹر) نظریہ¿ پاکستان ٹرسٹ کے زیراہتمام ایوان کارکنان تحریک پاکستان ،شاہراہ قائداعظم میں ایم ایم عالم کی دوسری برسی کے موقع پرآج بدھ 18مارچ کو ساڑھے دس بجے صبح معروف صحافی رفیق شہزاد کی کتاب”مایہ¿ ناز ہیرو۔ایم ایم عالم“کی تقریب رونمائی ہوگی۔ تقریب کی صدارت چیئرمین نظریہ¿ پاکستان ٹرسٹ محمد رفیق تارڑ کریں گے ۔مہمانان اعزاز میں لیفٹیننٹ جنرل(ر) ڈاکٹر سہیل عباس جعفری ،میجر جنرل(ر) محمد اشرف چوہدری ،گروپ کیپٹن (ر) محمد انور چوہدری، ونگ کمانڈر(ر) حمید انوراور خالد بٹ میڈیا ایڈوائزر ٹو چیف منسٹر شامل ہیں۔ وائس چیئرمین نظریہ¿ پاکستان ٹرسٹ پروفیسر ڈاکٹر رفیق احمد ، صدر سی پی این ای مجیب الرحمن شامی، ڈاکٹر محمد اجمل نیازی، واصف ناگی، طارق عزیز، محمد اسلم لودھی، ایئر وائس مارشل(ر) فاروق عمر خطاب کریں گے۔ تقریب کا اہتمام تحریک پاکستان ورکرز ٹرسٹ کے اشتراک سے کیا جا رہا ہے۔