ایتھنز (اے پی پی) ہالی وڈ اداکارہ اور اقوام متحدہ کی خصوصی سفیر انجلینا جولی نے یونان میں پناہ گزینوں کے عارضی کیمپوں کا دورہ کیا۔ ذرائع ابلاغ کے مطابق انجلینا جولی نے دارالحکومت ایتھنز کے قریب پیراؤس میں واقع اقوام متحدہ کے ادارہ برائے پناہ گزیں کے کیمپ کا دورہ کیا جہاں 4000 کے قریب پناہ گزیں عارضی خیموں میں قیام پذیر ہیں۔ اس موقع پر انہیں دیکھنے کے لئے بڑی تعداد میں افراد جمع ہوئے اور انہوں نے تالیاں بجا کر ان کا استقبال کیا۔ انجلینا جولی نے بچوں سے ملاقات کی۔