پی ایس ایل تھری، کامران اکمل بیٹنگ اور فہیم اشرف بائولنگ کے میدان میں سرفہرست

اسلام آباد (اے پی پی) پاکستان کرکٹ بورڈ کے زیر اہتمام جاری پاکستان سپر لیگ (پی ایس ایل) کے تیسرے ایڈیشن میں پشاور زلمی کے کامران اکمل بیٹنگ اور اسلام آباد یونائیٹڈ کے فہیم اشرف بائولنگ کے شعبے میں سرفہرست ہیں۔ پشاور زلمی کے کامران اکمل بیٹنگ کے شعبے میں چھائے ہوئے ہیں، انہوں نے 10 میچز کی 10 اننگز میں ایک سنچری اور تین نصف سنچریوں کی مدد سے 347 رنز بنا رکھے ہیں دوسری جانب بائولنگ کے شعبے میں اسلام آباد یونائیٹڈ کے فہیم اشرف 16 وکٹیں لیکر آگے ہیں، کراچی کنگز کے عثمان خان اور پشاور زلمی کے وہاب ریاض 14، 14 وکٹیں لیکر مشترکہ طور پر دوسرے، شاہد آفریدی اور عمران طاہر 13، 13 وکٹیں لیکر مشترکہ طور پر تیسرے نمبر پر موجود ہیں۔