اسلام آباد(نا مہ نگار)علامہ اقبال اوپن یونیورسٹی کے میرٹ بیسڈ پروگرامز میں داخلے کے لئے ایڈمشن ٹیسٹ 15سے 25اپریل کے درمیان منعقد کئے جائیں گے، ٹیسٹ/انٹرویوز میں کامیاب امیدواروں کی میرٹ لسٹ30اپریل2019ء کو یونیورسٹی کی ویب سائٹ پرجاری کی جائے گی۔ جن پروگراموں کے داخلے میرٹ کی بنیاد پر ہورہے ہیں ان میں پی ایچ ڈی ٗ ایم ایس/ایم فل /ایم ایس سی آنرز ،کامن ویلتھ آف لرننگ ایم بی اے/ایم پی اے ٗ بی ایس پروگرامز ٗ ایم ایس سی) شماریات فزکس ٗ ریاضی ٗ کیمسٹری ٗ مائیکروبیالوجی ٗ ای پی ایم ٗ ماس کمیونیکیشن ٗ سسٹین ایبل انوائرمینٹل ڈیزائن ٗ انوائرمینٹل سائنس اور باٹنی ( شامل ہیں، خواہشمند امیدوار اپنا داخلہ فارم پراسپکٹس میں دئیے گئے طریقہ کار کے مطابق صرف 1000لیٹ فیس چارجز کے ساتھ براہ راست متعلقہ شعبہ کو ارسال کریں۔