تیزی سے پھیلتے اسلام کوروکنے کیلئے دشمن قوتیں سازشیں کر رہی ہیں،علامہ زبیر

لاہور(نیوز رپورٹر) اسلامی جمہوری اتحاد پاکستان کے سر براہ علامہ زبیر احمد ظہیر کی ہدایت پر نیوزی لینڈ مساجد کے شہداء کی ملک بھر میں غائبانہ نماز جنازہ اداکی گئی جبکہ لاہور میں علامہ زبیر احمد ظہیرکی جانب سے پڑھائی جانیوالی غائبانہ نماز جنازہ میں عوام کی بڑی تعداد میں شر کت کی۔ تفصیلات کے مطابق اتوار کے روز لاہور،کراچی،ملتان ،پشاور ،کوئٹہ اور اسلام آباد سمیت ملک بھر میں نیوزی لینڈمساجد میں ہونیوالی دہشت گردی کا نشانہ بننے والے شہداء کی غائبانہ نماز جنازہ اداکی گئی جبکہ لاہور میں غائبانہ نماز جنازہ کی ادائیگی کے بعد میڈیا سے گفتگو کے دوران اسلامی جمہوری اتحاد پاکستان کے سر براہ علامہ زبیر احمد ظہیر نے کہا کہ اس بات میں کوئی شک نہیں کہ اسلام آج بھی دنیا میں بڑی تیزی کیساتھ پھیل رہا ہے جس کو روکنے کیلئے اسلام دشمن قوتیں سازشیں اور دہشت گردی کر رہی ہیں مگر ہم واضح کر دینا چاہتے ہیں کہ دہشت گردی سمیت دنیا کی کوئی طاقت اسلام کا راستہ نہیں روک سکتی اسلام محبت امن اور بھائی چارے کا درس دیتا ہے۔