بہادر شوہر نے جان پر کھیل کر دوسروں کی جانیں بچائیں‘ اہلیہ نعیم گیلانی

آکلینڈ (نوائے وقت رپورٹ) کرائسٹ چرچ حملے میں شہید ہونے والے نعیم گیلانی کی اہلیہ نے کہا ہے کہ میرے بہادر شوہر نے جان پر کھیل کر دوسروں کی جان بچائی۔ دنیا کی کوئی چیز شوہر اور بیٹے کی کمی پوری نہیں کر سکتی۔ ان پر فخر ہے۔ انہوں نے اپنے دوست کو بچانے کے لئے خود کو اس کے اوپر گرا لیا تھا۔ دوست سے کہا کہ تم ہلنا مت وہ شہید ہوئے، وہ میرے گھر کے واحد کفیل تھے۔ میں ہمیشہ انہیں یاد کرتی رہوں گی۔