ملتان (سپورٹس ڈیسک)قومی ٹیم کے سابق کپتان اور کمنٹیٹر رمیز راجہ کا کہنا تھا کہ ہمیں محسوس ہورہا تھا کہ ایلکس ہیلز کی طبیعت خراب ہے۔نجی ٹی وی نے ذرائع کے حوالے سے کہاہے کہ جس وقت لاہور میں سیمی فائنل اور فائنل میچ کروانے کی تجویز دی گئی تو پی ایس ایل کی تین فرنچائز ز نے اعتراض کیا تھا کہ کراچی میں ٹیمیں موجود ہیں اور کراچی میں ہی باقی میچ کروائے جائیں جس پر پاکستان کرکٹ بورڈ نے ٹیموں کے درمیان ووٹنگ کروائی تھی۔سابق کپتان رمیز راجہ کا کہنا ہے کہ ہمیں شک تھا کہ ایلکس ہیلز کی طبیعت ٹھیک نہیں اور اسی لیے انہوں نے واپسی کا فیصلہ کیا، اب پی ایس ایل کا حصہ رہنے والے تمام کمنٹیٹرز اور براڈکاسٹنگ عملے کے بھی ٹیسٹ ہونگے -پاکستان کرکٹ بورڈ کی جانب سے میچز منسوخ کرنے کا اعلان کر دیا گیاہے۔ اور ٹویٹر پر جاری پیغام میں کہا گیاہے کہ ملتوی کیے جانے والے میچز کا شیڈول جلد ہی دوبارہ جاری کیا جائے گا اور اس حوالے سے تفصیلات بعد میں فراہم کی جائیں گی۔