لاہور(سپورٹس رپورٹر) پشاور زلمی کے ہیڈکوچ ڈیرن سیمی اور جنوبی افریقا کے لیجنڈ بیٹسمین ہاشم آملہ نے زلمی کیمپ کے شارٹ لسٹ کرکٹرز سے ملاقات کی ،ہاشم آملہ اور ڈیرن سیمی نے ڈائریکٹر کرکٹ پشاور زلمی محمد اکرم ، کپتان وہاب ریاض ، کامران اکمل اور عمید آصف کیساتھ مل کر فائنل راؤنڈ میں نوجوان کرکٹرز کی کارکردگی کا جائزہ لیا۔اس موقع پر ڈیرن سیمی نے کہا کہ پشاور زلمی نے زلمی کیمپ کے ذریعے نیا ٹیلنٹ سامنے آیا ہے۔شارٹ لسٹ کرکٹرز کیساتھ سیشن کرکے مزا آیا ہے۔ہاشم آملہ نے کہا وہ اپنا دورہ پاکستان انجوائے کررہے ہیں‘ زلمی کیمپ سے نیا ٹیلنٹ دیکھنے کا موقع ملا۔ کرونا وائرس میں لاک ڈاون کے دوران پشاور زلمی نے ڈیجیٹل پروگرام کے ذریعے ملک بھر سے موصول ویڈیوز کے بعد ملک کے دس سے زائد شہروں میں ٹیلنٹ ہنٹ اور کوچنگ پروگرام منعقد کیا تھا۔