گوجرانوالہ (نمائندہ خصوصی)معروف کاروباری شخصیت چوہدری عاطف نذیر،رانا فرحان شاکر،شفقت پہلوان اور دیگر پہلوانوں نے ایک وفد کی شکل میں معاون خصوصی وزیر اعلیٰ برائے اطلاعات فردوس عاشق اعوان سے ان کے ڈیرہ کوبے چک سیالکوٹ میں ملاقات کی،اس موقع پر شفقت شیخ عرف پولو پہلوان،خواجہ مونمحمد ناصر پہلوان اور دیگر بھی شامل تھے وفد نے معاون خصوصی وزیر اعلیٰ برائے اطلاعات کو پنجاب کلچر ڈے کے موقع پر روائتی پگڑی پہنائی اور پہلوانوں کو درپیش مسائل سے بارے آگاہ کیا،وفد نے معاون خصوصی کو بتایا کہ پہلوانی بھی گوجرانوالہ کا روایتی کلچر ہے اور گوجرانوالہ کی عوام اس کلچر سے بخوبی روشناس ہے خصوصاً نوجوان طبقہ پہلوانی اور باڈی بلڈنگ میں خاصی دلچسپی رکھتا ہے جو کہ خوش آئند عمل ہے۔