آرمی چیف کا دورہ سروس کور سنٹر نو شہرہ ، لاجسٹک سپورٹ کو سراہا

اسلام آباد (خبرنگار خصوصی) آرمی چیف جنرل قمر جاوید باجوہ نے آرمی سروس کور (اے ایس سی) سینٹر نوشہرہ کا دورہ کیا اور آرمی سروس کور کے کرنل کمانڈنٹ کو بیجز لگانے کی تقریب میں شرکت کی۔ آرمی چیف نے یادگار شہداء پر پھولوں کی چادر چڑھائی اور شہداء کے لیے فاتحہ خوانی کی۔ اس موقع پر انہوں نے میجر جنرل عثمان حق کو آرمی سروس کور کے کرنل کمانڈنٹ کے رینک کے بیجز لگائے۔ آرمی چیف نے امن اور آپریشن دونوں طرح کی صورتحال کے دوران آرمی سروس کور کی خدمات اور لاجسٹک سپورٹ کی تعریف کی۔