لاہور(نامہ نگار) انسپکٹر کے عہدے پر ترقی پاکر دوسرے اضلاع میں جانے والے انسپکٹرز کی لاہور واپسی شروع ہو گئی ہے ۔ ذرائع کے مطابق گزشتہ سال پنجاب پولیس میں تین سو سے زائد انسپکٹر پرموٹ ہوئے تھے ،ترقی ملنے کے بعد انسپکٹرزکی دوسرے اضلاع اور یونٹس میں تعیناتیاں لازم قرار دی گئی تھیں۔ دوسرے اضلاع میں جانیوالے لاہور کے پانچ انسپکٹرز کا تبادلہ واپس لاہور کر دیا گیا ہے۔جن میں انسپکٹرناصر حمید ، اعجاز رسول، فرحت بھٹی ، فضاء انجم اور عبدالخالق کنگرہ شامل ہے۔ ڈی آئی جی اسٹیبلشمنٹ ون کی جانب سے نوٹیفکیشن جاری کر دیا گیا ہے ۔ لاہور سمیت پنجاب کے مختلف اضلاع میں تبادلہ ہونیوالے انسپکٹرز کو بھی جلد ہی واپس ان کے متعلقہ اضلاع میں بھجوا دیا جائیگا۔