سیاسی رہنما سچائی، قابلیت، عزم، جدوجہد سے جنم لیتے ہیں: پرویز رشید

اسلام آباد(خبر نگار)پاکستان مسلم لیگ (ن)کے رہنما پرویز رشید نے کہا ہے کہ سیاسی رہنما ایجنسیوں کے ڈنڈے سے نہیں، سچائی، قابلیت، عزم اور جدوجہد سے جنم لیتے ہیں، عمران خان آپ ان صفتوں سے عاری ہیںاپنے بیان میں ن لیگی سینیٹر پرویز رشید نے کہا کہ پارٹی قائد اور سابق وزیراعظم نواز شریف کو نااہل قرار دلوایا گیا، پارٹی صدارت چھینی، جیل میں بھی ڈال دیا گیااس پر مزید کہا کہ کسی نے نواز شریف کا ساتھ چھوڑنا تو درکنار اسے سوچنا بھی گناہ ہی جاناپرویز رشید کا کہنا تھا کہ حقیقی رہنما جیلوں، جلاوطنیوں میں بھی اپنے قافلے متحد و متحرک رکھتے ہیںانہوں نے پی ٹی آئی حکومت پر تنقید کرتے ہوئے کہا کہ حکومتی طاقت بھی آپ کے پنکچر ہوتے غبارے میں ہوا نہیں بھر سکتی ن لیگی رہنما کا کہنا تھا کہ جعلی عمرانی غاصبوں کے اپنے چیلوں پہ قابو پانے کیلئے لالچ کے ہتھکنڈے بھی ناکام پڑجاتے ہیںانہوں نے سوال کیا کہ کیا یہ کسی ایک رکن قومی اسمبلی کا نام بتاسکتے ہیں، جس نے پیسے لیے ہوں؟ یا عادی جھوٹ کی بیماری میں مبتلا صرف منتخب لوگوں پر کیچڑ اچھالنا ہی جانتے ہیں۔
پرویز رشید