کراچی (اسپورٹس رپورٹر)ڈیفنس اینڈ کلفٹن ایسوسی ایشن آف رئیل اسٹیٹ ایجنٹس کے زیر اہتمام (ڈیفکلریا)DSLکرکٹ سپر لیگ  29مارچ تا یکم اپریل  تک معین خان اکیڈمی ڈیفنس کراچی پر کھیلا جائیگا۔ڈیفکلریا کے صدر زبیر بیگ کی موجودگی میں کراچی کے مقامی ہوٹل میں منعقدہ پر وقار تقریب میں لیگ کے ٹائیٹینم اسپانسرز علی ثقلین اسٹیٹ اینڈ بلڈر ز اور پروگریسو رئیل اسٹیٹ اینڈ بلڈرز جبکہ کیلفونیا رئیل اسٹیٹ اینڈ بلڈرز نے گولڈ اپانسر کے معاہدے پر دستخط کردیئے۔اس موقع پر DSLسپر لیگ کی آرگنائزنگ کمیٹی بھی موجود تھی،جن میں اسپانسرز بلال طالب،شاہد قادری،فرحان فیصل،دیفکلیریا کے سیکریٹری امتیاز صدیقی،اسد ریاض،طاہر بٹ،نعمان،اظہر،سجاد بشیر،رضا ہاشمی،عاصم،حافظ محمد،محسن اور دیگر شامل تھے لیگ کے لئے عمران راجپوت کو سیکریٹری نامزد کیا گیا۔اس موقع پر یفکلیریا کے صدر زبیر بیگ نے بتا یا کہ 9ویں DSLکرکٹ سپر لیگ رئیل اسٹیٹ کی دنیا کا تاریخی ایونٹ ثابت ہوگا،  ڈیفنس اینڈ کلفٹن ایسوسی ایشن آف رئیل اسٹیٹ ایجنٹس نے شہر کی تعمیر و ترقی کے ساتھ صحت مند سرگرمیوں کے فروغ میں ہمیشہ پیش پیش رہی ہے زبیر بیگ نے کہاکہ انشا اللہ DSLکرکٹ سپر لیگ کامیابی سے ہمکنار ہوگا۔