ساتھیوںکی مدد سے فائرنگ ‘باپ کے قاتل کو فائرنگ کرکے ہلاک کر دیا

لاہور(نامہ نگار)باغبانپورہ کے علاقے میں بیٹے نے باپ کے قتل کا بدلہ لینے کیلئے3 ساتھیوں کیساتھ مل کر فائرنگ کر کے مخالف کو موت کے گھاٹ اتار دیا ۔باغبانپورہ کے علاقے میں دیرینہ دشمنی پر علی رضا گجرنے ساتھیوں محمد ارشد اور 2نامعلوم افراد کیساتھ مل کر فائرنگ کر کے 40 سالہ خالد مجید کوشدید زخمی کر دیااور فرار ہو گئے ۔زخمی خالد مجید کو ہسپتال منتقل کیا گیا،مگر وہ جانبر نہ ہو سکا ۔پولیس نے نعش پوسٹ مارٹم کیلئے مردہ خانے منتقل کر کے مقدمہ درج کرلیا ہے ۔پولیس کی ابتدائی تفتیش کے مطابق مقتول خالد مجیدنے 8 سال قبل ملزم علی رضا گجر کے باپ کو قتل کیا تھا،جس کا بدلہ لینے کیلئے ملزمان نے علی رضا کو قتل کیا ہے۔ پولیس نے مقتول خالد مجیدکے بھائی افتخار مجید کی مدعیت میں نامزد ملزم علی رضا گجر، محمد ارشد اور اس کے 2 نا معلوم ساتھیوں کیخلاف مقدمہ درج کرکے گرفتاری کیلئے چھاپے مارنے شروع کردئیے ہیں۔ پولیس کا کہنا ہے کہ جلد ملزمان کو گرفتار کر لیا جائیگا۔سی سی پی او بلال صدیق کمیانہ نے واقعہ کا نوٹس لیتے ہوئے ایس پی کینٹ سے رپورٹ طلب کر لی ہے اورملزمان کی فوری گرفتاری کا حکم دیا ہے اور کہا ہے کہ سی سی ٹی وی کیمروں اور شواہد کی مدد سے ملزمان کی گرفتاری یقینی بنائیں۔