لاہور(نیوز رپورٹر) پارکس اینڈ ہارٹی کلچر اتھارٹی لاہور نے شہریوں کی سہولت کیلئے جیل روڈ پر واقع جیلانی باغ میں جدید جاگنگ ٹریک بچھا دیا ہے۔ پی ایچ اے کے ترجمان نے بتایا کہ 550 میٹر طویل ٹریک ایتھیلین پروپیلین ڈائن مانومر میٹیریل سے بنایا گیا ہے جو اتھلیٹ افراد کیلئے اپنی گوناگوں خصوصیات کے باعث دنیا بھر میں موزوں جانا جاتا ہے۔ پاکستان کے مخصوص موسمی حالات کے حوالے سے یہ ٹریک لوگوں کیلئے انتہائی مفید ہے۔ ڈائریکٹر جنرل پی ایچ اے محمد طاہر وٹو کے حکم پر بچھایا جانے والا یہ ٹریک حکومتی سطح پر اپنی نوعیت کا ایک اہم ماحول دوست اقدام ہے جس سے سیر کرنے والے افراد کو خصوصی سہولت ملی ہے۔