پورا یقین ہے بابر اعظم بہترین لیڈر ہے:ڈیرن سیمی

لاہور(سپورٹس رپورٹر) پاکستان سپر لیگ کی ٹیم پشاور زلمی کے ہیڈ کوچ ڈیرن سیمی نے کہا ہے کہ مجھے پورا یقین ہے کہ بابر اعظم بہترین لیڈر ہے۔ 15سے 20رنز کم کئے، ابتدائی 10اوورز کے بعد اسلام آباد کو کم بیک کا موقع دیا، جیسا آغاز ہوا اس کے بعد 200کا ہدف ذہن میں تھا۔ عماد وسیم اور حیدر علی نے بہت زبردست اننگز کھیلی، ہم نے باﺅلنگ میں غلطیاں کیں، تسلسل کی کمی رہی، بابر رنز کر سکتا ہے لیکن باﺅلرز کو اس کا دفاع کرنا ہے، مجھے پورا یقین ہے کہ بابر بہترین لیڈر ہے، ہماری ایک دوسرے کےساتھ گفتگو چلتی رہتی ہے۔ ٹرافی نہیں جیتے تو ہر سال پلے آف کھیلنے کی کوئی اہمیت نہیں، 9 پلے آف میں ایک ٹرافی جیتنا کافی نہیں، ہمیں اور فائنل جیتنے چاہیے تھے۔ پاکستان میں کرکٹ کی واپسی پر بہت خوش ہوں، امید ہے فائنل میں کراچی میں بڑا کراﺅڈ آئے گا۔