جعلی چیئرمین نیب بن کر شہریوں کو لوٹنے والا ملزم اور بھائی گرفتار

نیب لاہور انٹیلی جنس ونگ نے کارروائی کرتے ہوئے جعلی چیئرمین نیب بن کر شہریوں کو لوٹنے والے ملزم کو ساتھی سمیت گرفتار کر لیا۔ دونوں ملزم آپس میں سگے بھائی ہیں۔نیب حکام کے مطابق ملزمان شہریوں کو نیب افسر بن کر ہراساں کرتے تھے۔اس حوالے سے نیب حکام نے مزید بتایا کہ ملزمان اویس ظہور اورعامر ظہور شہریوں سے پیسے وصول کرتے رہے۔نیب حکام کے مطابق ملزمان کیخلاف شکایات موصول ہونے پرکارروائی کی گئی، ملزمان سگے بھائی ہیں۔نیب لاہور انٹیلی جنس ونگ نے ملزمان کو تھانہ چونگ پولیس کے حوالہ کردیا۔