گوجرانوالہ(نمائندہ خصوصی) گرلز کالج سیٹلائٹ ٹائون کیمپس کے سالانہ سپورٹس اینڈ کلچرل فیسٹیول کا انعقاد ، ڈپٹی ڈائریکٹر کالجز پروفیسر زاہد فاروق نے سالانہ سپورٹس اینڈ کلچرل فیسٹیول کا افتتاح کیا۔، فضا میں غبارے چھوڑے گئے اور لڑکیوں کی جانب سے بینڈز کی دھنوں پر خوبصورت مارچ پاسٹ بھی کیا گیا۔اس موقع پر کرنل ساجد محمود وڑائچ و دیگر بھی شامل تھے۔ پاسنگ آئوٹ پریڈ، رسہ کشی، بوری ریس، چاٹی ریس،لیگ ریس،گائیکی،ملی نغموں،دلہا دلہن کے مقابلے شامل تھے ۔ تمام طالبات نے بھرپور جوش و جذبہ سے مقابلوں میں حصہ لیا۔منعقد ہونے والے پروگرامز میںطالبات نے اپنے ملک کے صوبوں کی ثقافت و تمدن کی بھرپور عکاسی کی ،سٹال لگائے اور علاقائی لباس زیب تن کرکے صوبائی کلچرل کی نمائندگی کی۔ طالبات نے شاندار کارکردگی کا مظاہرہ کیااور حاضرین سے خوب داد وصول کی۔ لڑکیوں کے درمیان سو میٹر، دو سو میٹر اور چارسو میٹر دوڑ کے مقابلے ہوئے جبکہ چاٹی ریس، رسہ کشی اورتھری لیگ ریس میں بھی طالبات نے خوب جوہر دکھائے۔ تفریحی مقابلوں میں فلاور ایرینجمنٹ، پوسٹر پینٹگز کے علاوہ کھانوں کے سٹالز و ثقافتی ماڈلز بیاہ شادی و دیگر روائتی رہن سہن کے پروگرام پیش کرکے خوب داد وصول کی۔