میڈرڈ (اے ایف پی) سوئٹرز لینڈ کے فیڈرر نے عالمی نمبر ایک سپین کے رافیل نڈال کو 6-4, 6-4 سے ہرا کر میڈرڈ ماسٹرز ٹینس ٹورنامنٹ جیت لیا ہے۔ خواتین کا ٹائٹل روس کی دینارا سافنا نے اپنے نام کیا۔ اس کامیابی کے ساتھ ہی سوئس سٹار نے ہسپانوی حریف کی اپنے خلاف مسلسل 5 کامیابیوں کا سلسلہ بھی توڑ دیا ہے جن میں 3 گرینڈ سلام فائنل اور کلے پر مسلسل 33 میچ شامل ہیں اس کامیابی کے بعد فیڈرر فرنچ اوپن کا آغاز پر اعتماد میں کر سکیں گے۔ نڈال جنہوں نے بہار سیزن میں مونٹی کارلو‘ بارسلونا اور روم جیتے ہیں انہیں ہفتہ کو نوواک کے خلاف کھیلے گئے۔ سیمی فائنل میں بھی 4 گھنٹے تک سخت مقابلہ کرنا پڑا تھا۔ فیڈرر نے کہا ہے کہ وہ کامیابی پر بہت خوش ہیں لیکن وہ نڈال کو کلے پر زبردست کامیابیوں پر مبارک باد دیتے ہیں۔ دریں اثناء ڈبلیو ٹی اے میڈرڈ ٹینس کے خواتین کے فائنل میں روسی کی دینارا سافنا نے ڈنمار کی کیرولین کو 6-4‘ 6-2 سے ہرا کر ٹائٹل اپنے نام کیا۔
فیڈرر/ نڈال