باسکٹ بال چیمپئن شپ : پنجاب گرین بلیوز کی ٹیمیں فائنل میں پہنچ گئیں

لاہور(سپورٹس رپورٹر)پنجاب باسکٹ بال ایسوسی ایشن کے زیراہتمام جاری بین الصوبائی باسکٹ بال چیمپئن شپ میں پنجاب گرین اور پنجاب بلیوز کی ٹیموں نے فائنل کے لیے کوالیفائی کر لیا ہے۔ گورنمنٹ کالج میں  چیمپئن شپ کے پہلے سیمی فائنل میں پنجاب گرین نے سندھ ٹیم کو 37 کے مقابلے 67 پوائنٹس سے مات دی۔ دوسرا سیمی فائنل پنجاب بلیوز اور خیبر پی کے ٹیموں کے درمیان کھیلا گیا جس میں پنجاب بلیوز نے 50 کے مقابلے 62 پوائنٹس سے کامیابی اپنے نام کی۔